Turma në “Long Walk” tani është rritur edhe më shumë, derisa njerëzit presin mbërritjen e arkivolit të Mbretëreshës Elizabeth II.
Qindra personalitete morën pjesë në ceremoninë e funeralit, duke përfshirë ish-kryeministrat e Mbretërisë së Bashkuar, presidentin e SHBA-së, Joe Biden dhe presidentin francez, Emmanuel Macron, shkruan BBC-ja të hënën.
Arkivoli i Mbretëreshës Elizabeth II u dërgua në kështjellën Windsor, në vendin ku do të prehet pranë burrit të saj, Princit Filip. Arkivoli i saj, i mbështjellë me flamuj dhe në krye me kurorë e shtetit perandorak, u tërhoq në kishë me një karrocë armësh nga marinarët e Marinës Mbretërore.
Në një atmosferë emocionesh të thella, Mbretëreshës Elizabeth po i jepet lamtumira nga të afërmit e saj më të afërt me mbretin Charles në krye që shfaqet i mërzitur në Westminster Abbey. Djali i mbretëreshës së ndjerë, ka shkruar një kartolinë në arkivolin e saj: “Në kujtim të nënës sime të dashur dhe të përkushtuar. Charles”. Nuk mungojnë edhe lulet, në nuancat e floririt dhe rozë të prera nga kopshtet e rezidencave mbretërore.
Ceremonia e varrimit do të zgjasë gjatë gjithë ditës. Sipas llogaritjeve në të gjithë botën rreth 4 miliardë njerëz po e ndjekin ceremoninë e varrimit.
Edhe
Mbretëria e Bashkuar nis një epokë të re
Mbretëresha Elizabeth II vdiq më 8 shtator në moshën 96-vjeçare.
