Një universitet ia ka bërë të pavlefshme diplomën kryetarit të Stambollit, Ekrem Imamoglu, të martën, një veprim që shihet si i motivuar politikisht për të bllokuar figurën popullore të opozitës dhe rivalin kryesor të presidentit turk, Recep Tayyip Erdogan, të kandidojë në garën e ardhshme presidenciale.
Universiteti i Stambollit ia anuloi diplomën Imamoglut, duke arsyetuar se kishte parregullsi në transferimin e tij të 1990-s nga një universitet privat të Qipros në Fakultetin e Administrimit të Biznesit. Vendimi e diskualifikon Imamoglun nga gara për president – një pozitë që kërkon që kandidati të ketë diplomë universitare. Imamoglu pritet të apelojë.
Vendimi erdhi vetëm disa ditë para se partia kryesore opozitare pritet të mbajë zgjedhjet, ku Imamoglu do të zgjidhej kandidati për president nga Partia Popullore Republikane. Zgjedhjet e ardhshme presidenciale në Turqi janë më 2028, por ka gjasa të mbahen më herët.
Imamoglu e ka quajtur vendimin e universitetit “të paligjshëm”, duke insistuar se nuk ka autoritet ta anulojë diplomën, raportoi AP.
Më pas ai tha se vendimi ishte bërë nën presionin e qeverisë së Erdoganit.
-
Rivali kryesor i Erdoganit dënohet me një vit e tetë muaj burgim
-
Ish-kryetari i bashkisë së Stambollit do të dalë para gjyqit nën akuzat për korrupsion
-
Kryeprokurori i Stambollit kërkon mbi 2,000 vjet burgim për liderin opozitar, Ekrem Imamoglu
-
Gjykata lëshon urdhërarrest të ri për kryebashkiaku e burgosur të Stambollit, Ekrem Imamoglu
-
Protesta në Stamboll në mbështetje të liderit të arrestuar të opozitës, Ekrem Imamoglu