Autoritetet ukrainase njoftuar se regjimenti “Akili”, i sistemeve luftarake pa pilot ka kryer një aksion ndaj trupave ruse në rajonin e Kharkivit.
Ministria ukrainase e Mbrojtjes ka publikuar pamje, ku shihen shkatërrimet që po kryheshin nga lartësia. Tanke dhe depo municionesh u shkatërruan, siç bënë me dije autoritetet ukrainase në Facebook.
Disa rusë u vranë e disa të tjerë janë plagosur, derisa beteja po zhvillohet gjatë tërë së martës.
“Tanke dhe depo u shkatërruan me municione, u dëmtua një makinë e blinduar. 5 pushtues të plagosur, 4 të eliminuar. Beteja është në zhvillim e sipër”, thuhet në njoftimin e ministrisë ukrainase.
VIDEO:
Regjimenti “Akili” ka kryer disa operacione në zonat ku gjenden trupat ruse në fushëbetejë.
Ai është pjesë e ushtrisë të sistemeve ajrore, si njësi vullnetare e Ukrainës. Kjo njësi është krijuar në ditët e para të pushtimit rus në Ukrainë.
