Presidenti rus, Vladimir Putin, ka anuluar të martën një dekret të vitit 2012, i cili ka mbështetur pjesërisht sovranitetin e Moldavisë në zgjidhjen e së ardhmes së rajonit të Transdniestrisë, rajon separatist i mbështetur nga Moska, që kufizohet me Ukrainën dhe ku Rusia mban trupa, raportoi të mërkurën Reuters.
Dekreti, i cili përfshinte një komponent të Moldavisë, përshkruan politikën e jashtme të Rusisë 11 vjet më parë, e cila supozonte marrëdhëniet më të ngushta të Moskës me Bashkimin Evropian dhe Shtetet e Bashkuara.
Urdhri për revokimin e dokumentit të vitit 2012 është publikuar në faqen e internetit të Kremlinit dhe thekson se vendimi është marrë “për të siguruar interesat kombëtare të Rusisë në lidhje me ndryshimet e thella që po ndodhin në marrëdhëniet ndërkombëtare”.
Kjo është pjesë e një sërë lëvizjes anti-perëndimore të shpallura nga Putini të martën.
Alexandru Flenchea, kryetar moldav i komisionit të përbashkët të kontrollit në zonën e sigurisë rreth Transdniestrisë, tha se anulimi nuk do të thotë se Putini po braktiste nocionin e sovranitetit moldav.
Edhe
Moldavia dëbon diplomatin rus për hapje të qendrave të votimit në Transnistri
“Dekreti është një dokument politikash që zbaton konceptin e politikës së jashtme të Rusisë. Moldavia dhe Rusia kanë një marrëveshje bazë politike që parashikon respekt të ndërsjellë për integritetin territorial të vendeve tona”, tha Flenchea për “Publika-TV”.
Kremlini ka thënë se marrëdhëniet e Rusisë me Moldavinë, e cila javën e kaluar miratoi një kryeministër të ri properëndimor që u zotua të ndiqte përpjekjet për t'u bashkuar me BE-në, ishin shumë të tensionuara. Rusia akuzoi Moldavinë për ndjekjen e një agjende anti-ruse.
E lidhur mes Rumanisë dhe Ukrainës, Moldavia, një nga vendet më të varfra të Evropës, është udhëhequr që nga viti 2020 nga presidentja Maia Sandu me mbështetjen e fortë të SHBA-së dhe Bashkimit Evropian. Presidenti i SHBA-ë, Joe Biden u takua me të në Poloni të martën duke pohuar mbështetjen e tij.
Rusishtfolësit e Transdniestrisë u shkëputën nga Moldavia në vitin 1990, një vit para shpërbërjes së Bashkimit Sovjetik, mes frikës se Moldavia do të bashkohej me Rumaninë, gjuhën dhe kulturën e së cilës ajo ndan gjerësisht.
Edhe
Një rajon i shkëputur në Evropë po i kërkon Putinit mbrojtje
Një luftë e shkurtër vuri Moldavinë e sapopavarur kundër separatistëve në vitin 1992. Por, praktikisht nuk ka pasur dhunë në 30 vitet e fundit, me "paqeruajtësit" rusë të vendosur ende në copëzën e vogël të tokës, e cila nuk ka njohje ndërkombëtare.
Ministria e jashtme e Moldavisë tha se do të "studiojë me kujdes" dokumentin.
