Putin: SHBA-ja gaboi me raketat ATACMS që ia dha Ukrainës, s’do të ketë ndryshime në front

Presidenti rus Vladimir Putin ka reaguar ndaj dorëzimit të raketave me rreze të gjatë veprimi ATACMS në Ukrainë, duke e cilësuar një gabim të Shteteve të Bashkuara të Amerikës.

“Sigurisht, ne do të jemi në gjendje t'i zmbrapsim këto sulme (raketat ATACMS). Lufta është luftë. Gjëja më e rëndësishme është se ajo nuk do të ndryshojë situatën në front”, ka thënë Putin gjatë një konference në Kinë.

Putin beson se dërgimi i raketave nga amerikanët në Ukrainë është “gabimi” i tyre [SHBA-së], sepse zgjat “agoninë e Ukrainës”:

Më 17 tetor, The Wall Street Journal raportoi se gjatë ditëve të fundit, SHBA-ja ka dërguar në mënyrë të fshehtë “numër të vogël” raketash ATACMS me rreze të gjatë veprimi në Ukrainë dhe forcat e mbrojtjes ukrainase i kanë përdorur tashmë ato për të sulmuar dy aeroporte të okupuara, Luganskun dhe Berdyanskun.

Shtabi i Përgjithshëm i Ukrainës raportoi se forcat raketore dhe artileria ukrainase goditën dy helikopterë rusë në vendet e tyre të uljes, një pikë magazinimi të municioneve dhe një automjet artilerie që i përkisnin rusëve.