Presidenti rus Vladimir Putin ka thënë se marrëdhëniet midis Federatës Ruse dhe Serbisë janë të një natyre të veçantë dhe se serbët “kanë qenë aleatët më të besueshëm të Rusisë për shekuj”.
Putini ka thënë se këtë e vlerëson.
“Marrëdhëniet mes Rusisë dhe Serbisë janë të një natyre të veçantë, historikisht të thella, për këtë flas gjithmonë me ngrohtësi të veçantë, sepse me shekuj, dua të theksoj, serbët kanë qenë aleatët më të besueshëm të Rusisë, ne e dimë, kujtojmë dhe vlerësojmë këtë”, ka thënë Putin në një takim me pjesëmarrësit e Festivalit Botëror të të rinjve, raporton RIA Novosti.
Serbia është ndër vendet e vetme në Evropë, bashkë me Bjellorusinë, që nuk ka vënë sanksione ndaj Rusisë për luftën në Ukrainë, pavarësisht kërkesave të Bashkimit Evropian.
Serbia dhe Rusia historikisht kanë pasur marrëdhënie të afërta.
-
Putin: Partneriteti strategjik me Serbinë po zhvillohet me dinamikë
-
Putini çmon politikën e jashtme të Vuçiqit gjatë një takimi në Pekin
-
Putin: Vuçiqi erdhi në Moskë edhe pse u përpoqën ta ndalnin
-
Vuçiq bisedon me Putinin, i thotë se Serbia s’do t’i vendosë asnjë sanksion Rusisë
-
Vulini e siguron Putinin për “aleancën” e Serbisë, i ankohet për Kosovën