Marrëveshja tregtare post-Brexit është firmosur mëngjesin e së mërkurës nga presidentja e Komisionit Evropian Ursula von der Leyen. Për të quajturën zyrtarisht Marrëveshja e Tregtisë dhe Bashkëpunimit BE-MB, u deshën muaj me radhë që të gjendej një konsensus mes palëve.
Presidenti i Këshillit Evropian Charles Michel dhe presidentja e KE nënshkruajnë në emër të Bashkimit Evropian. Më pas, marrëveshja do të “niset” për në Londër me avionin e Forcave Ajrore Mbretërore, ku do të firmoset nga kryeministri Boris Johnson në emër të Britanisë së Madhe.
Udhëheqësit evropianë e mirëpritën marrëveshjen, duke e përshkruar atë ose si një moment me “rëndësi historike”, një “moment historik i rëndësishëm”, ose “një hap i madh përpara”.
Pavarësisht nga marrëveshja, ndryshimet në marrëdhënien aktuale do të hyjnë në fuqi më 1 janar/abcnews.al.
-
Britania dhe BE-ja arrijnë marrëveshje tregtare pas Brexitit
-
Presidentja e KE-së: Ditët e ardhshme vendimtare për BE-në dhe Britaninë
-
Anëtarët e BE-së bien dakord për marrëveshjen tarifore me SHBA-në
-
Mes presionit të SHBA-së, BE-ja dhe India nënshkruajnë marrëveshje të rëndësishme tregtare
-
Liderët evropianë shprehin shqetësime për marrëveshjen tregtare BE-SHBA