Ekspertët kanë paralajmëruar ngritje të çmimit të naftës dhe produkteve të tjera pas sulmeve të anijeve komerciale në Detin e Kuq.
Disa kompani kanë njoftuar se do të ndalojnë lundrimet në Detin e Kuq pasi anijet u sulmuan nga rebelët Houthi në Jemen.
Kompania e dytë për dërgesat detare, Maersk, ka njoftuar se shumicën e anijeve do t’i drejtojë përreth Kepit të Shpresës së Mirë në Afrikë, duke shmangur Detin e Kuq.
Ky pengim i mallrave ka detyruar SHBA-në që të nisë një operacion ndërkombëtar për të mbrojtur anijet në vijën bregdetare të Detit të Kuq.
SHBA-ja ka kontaktuar më shumë se 40 shtete dhe u ka bërë thirrje që të kontribuojnë në ngritjen e sigurisë në dete.
Task forcës detare pritet t’i bashkohet edhe luftanija britnaike HMS Diamond.
Edhe
Shtohet frika për rritjen e çmimeve të naftës
Deti i Kuq është një prej rrugëve më të rëndësishme të naftës dhe gazit.
Kjo rrugë i afrohet bregut jugor të Jemenit dhe Kanalit të Suezit në veri.
Rebelët houthi kanë deklaruar përkrahjen për Hamasin dhe kanë kërcënuar me sulmin e anijeve që shkojnë drejt Izraelit.
-
Rriten çmimet e naftës pas sulmit të SHBA-së dhe Britanisë në Jemen
-
Houthit thonë se kanë kryer sulme të reja ndaj Arabisë Saudite
-
Houthit marrin nën kontroll një port kyç në Detin e Kuq, kërcënohet rrjedha globale e naftës
-
Çmimi i naftës kalon në mbi 100 dollarë për fuçi, për herë të parë në afro dy muaj