Pakistani futet në izolim të pjesshëm në prag të Fitër Bajramit

Pakistani ka shpallur izolim të pjesshëm për tetë ditë derisa pritet festimi i Fitër Bajramit javën e ardhshme.

Bizneset që nuk janë esenciale duhet të mbyllen dhe udhëtimet në të gjithë vendin ndalohen nga 8 deri 16 maj.

Vendi aktualisht po përballet me valën e tretë të COVID-19, me mbi 140,000 raste dhe 3,000 të vdekur vetëm në prill, shkruan BBC.

Zyrtarët kanë paralajmëruar se kufizimet mund të jenë të domosdoshme për shkak të shteti fqinj, Indisë, e cila ka shkallë të lartë të të infektuarve.

Transporti brenda dhe ndërmjet rajoneve e qyteteve kufizohet në vetëm automjete private, taksi dhe trena, të gjitha me kapacitet të reduktuar.