OKB-ja bën thirrje për armëpushim të menjëhershëm Izrael-Hezbollah

Sekretari i Përgjithshëm i OKB-së Antonio Guterres është “jashtëzakonisht i shqetësuar me përshkallëzimin e konfliktit në Liban”, thuhet në një deklaratë nga zëdhënësi i tij.

Guterres apelon për një armëpushim të menjëhershëm dhe thotë se një "luftë e gjithanshme" në vend duhet të shmanget me çdo kusht, raporton BBC.

“Duhet respektuar sovraniteti dhe integriteti territorial i Libanit”, thuhet në deklaratë.

“Më herët, Guterres i ka thënë kryeministrit të Libanit se OKB-ja është "mobilizuar për të ndihmuar të gjithë ata që kanë nevojë në vend", thuhet më tej në deklaratë.

Edhe BE-ja ka ripërsëritur thirrjen e saj për një armëpushim të menjëhershëm midis Hezbollahut dhe Izraelit.

Zëvendëspresidenti i Komisionit Evropian, Josep Borrell ka thënë në një postim në X se ndërhyrja e mëtejshme ushtarake do të "përkeqësonte në mënyrë dramatike" situatën.