Pandemia e COVID-19 ka shkaktuar afër 15 milionë vdekje, ka bërë të ditur Organizata Botërore e Shëndetësisë.
Janë 13 për qind më shumë vdekje sesa pritej normalisht gjatë dy vjetëve, raporton BBC.
OBSH-ja beson se shumë vende nuk numëruan numrin e të vdekurve nga COVID-19 dhe vetëm 5.4 milionë u raportuan.
Në Indi, kishte 4.7 milionë vdekje nga COVID, 10 herë më shumë se shifrat zyrtare - dhe pothuajse një e treta e vdekjeve nga COVID-19 në nivel global.
Qeveria indiane ka vënë në dyshim vlerësimin, duke thënë se ka “shqetësime” për metodologjinë, por studime të tjera kanë arritur në përfundime të ngjashme në lidhje me shkallën e vdekjeve në vend.
Edhe
OBSH: Afro 10 mijë persona vdiqën nga COVID-19 muajin e kaluar nëpër botë
Këto përllogaritje marrin gjithashtu parasysh vdekjet që nuk ishin drejtpërdrejt për shkak të COVID-it, por përkundrazi të shkaktuara nga efektet e tij të dëmshme.
Por OBSH-ja tha se shumica e 9.5 milionë vdekjeve shtesë që shihen mbi 5.4 milionë vdekjet e raportuara nga COVID mendohej se ishin vdekje të drejtpërdrejta të shkaktuara nga virusi, sesa vdekje indirekte.
