Organizata Botërore e Shëndetësisë synon t’u ndihmojë vendeve të varfra që të sigurojnë teste, vaksina dhe ilaçe antivirale për pacientët me simptoma të lehta të COVID-19. Sipas një dokumenti intern të siguruar nga Reutersi, kjo pritet të bëhet nëpërmjet një programi të veçantë që është ende në formën e draftit.
Dokumenti, i cili i përshkruan qëllimet e programit të OBSH-së deri në shtator të vitit të ardhshëm, specifikon se kësisoj do të dhurohen rreth 1 miliard teste ndaj COVID-19 për kombet më të varfra dhe do të blihen ilaçe për trajtimin e 120 milionë pacientëve në nivel global, nga rreth 200 milionë raste të reja që vlerësohet se do të paraqiten në 12 muajt e ardhshëm. Planet e shpërfaqin angazhimin e OBSH-së për t’i shtuar furnizimet me ilaçe dhe teste me një çmim relativisht të ulët.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo