Organizata Botërore e Shëndetësisë ka rekomanduar heqjen ose lehtësimin e masave ndaluese për udhëtimet ndërkombëtare, duke cituar joefikasitetin e masave për të parandaluar shpërndarjen e variantit Omicron.
Agjencia e Kombeve të Bashkuara për shëndetin ka përditësuar rekomandimet gjatë një mbledhjeje të komitetit të emergjencës të mërkurën.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoRekomandimet përfshijnë “heqjen ose lehtësimet e ndalimeve të trafikut ndërkombëtar pasi nuk shtojnë vlerë dhe vazhdojnë të kontribuojnë në stresin ekonomik e social” te disa shtete.
Implementimi i ndalimeve të përgjithshme të udhëtimeve “nuk është efektiv në parandalimin e përhapjes ndërkombëtare”.
“Dështimi i masave të udhëtimit të prezantuara pas zbulimit dhe raportimit të variantit Omicron për të kufizuar përhapjen ndërkombëtare të variantit demonstron joefikasitetin e masave të tilla me kalimin e kohës”, thuhet në njoftimin e agjencisë.
Masat e udhëtimit si maska, testimi e izolimi dhe vaksinimi duhet të merren bazuar në rreziqeve dhe të shmanget vendosja e barrierave financiare për udhëtarët ndërkombëtarë, thuhet ndër rekomandimet.
OBSH-ja ka thënë po ashtu se kërkesa që të dëshmohet vaksinimi për udhëtimet ndërkombëtare mund të mos jetë “e vetmja rrugë” për të parandaluar udhëtimet ndërkombëtare.
“Mos e kërkoni dëshminë e vaksinimit ndaj COVID-19 për udhëtimet ndërkombëtare si kushti i vetëm për të lejuar udhëtimet ndërkombëtare, duke pasur parasysh qasjen e kufizuar botërore dhe shpërndarjen e pabarabartë të vaksinave anti-COVID”, thuhet në rekomandimet e OBSH-së.
Për këtë, OBSH-ja ka rekomanduar lehtësim të masave, duke përfshirë testimet apo izolimet.