Drejtuesi i Organizatës Botërore të Shëndetësisë ka bërë thirrje për moratorium dymujor në administrimin e vaksinave kundër COVID-19 si pjesë e reduktimit të pabarazisë botërore të vaksinimit dhe për parandalimin e varianteve të reja të koronavirusit.
Derisa Hungaria i ka edhe tetë milionë doza vaksinash në depo, Tedros Hebrehesus u ka bërë thirrje shteteve për më shumë solidaritet me vendet e tjera që po kanë vështirësi të zbatojnë fushata të vaksinimit masiv.
Tedros ka thënë në Budapest se përnjëmend është i zhgënjyer me përmasat e donacioneve të vaksinave në shkallë botërore në kohën kur shumë shtete të vogla nuk po ia dalin të sigurojnë doza të mjaftueshme për popullsinë e tyre.
Ndërkohë shumë shtete të pasura kanë krijuar stoqe vaksinash nga frika se mund të ketë nevojë edhe për dozë të tretë kundër varianteve të reja të koronavirusit. Tedros u ka bërë thirrje shteteve të kamura që të ndajnë dozat me vendet e tjera me qëllim që edhe vendet e varfra të kryejnë fushatën e dhënies së dozave të para të vaksinave.
-
OBSH-ja kërkon moratorium për dozën e tretë të vaksinës
-
OBSH-ja kundër dozave përforcuese derisa të imunizohen vendet e varfra
-
OBSH-ja e pranon pabarazinë “skandaloze” në vaksinim ndërmjet shteteve
-
OBSH-ja u kërkon shteteve të pasura të dhurojnë 10 milionë vaksina anti-COVID
-
OBSH-ja dënon “nacionalizmin e vaksinave”