Sudani i Jugut ka një nga përqindjet më të larta në botë të fëmijëve që braktisin shkollën, me mbi 2.8 milionë fëmijë, apo pothuajse 3 në 5 fëmijë. Mbyllja e shkollave shkaku i pandemisë la dy milionë nxënës të tjerë në shtëpi.
Situata e vajzave është veçanërisht alarmante pasi ato përfaqësojnë grupin më të madh të fëmijëve që mbesin lënë shkollën dhe janë në rrezik më të lartë për të vuajtur nga dhuna me bazë gjinore, martesat e detyruara dhe shfrytëzimi.
Ofrimi i arsimit cilësor për fëmijët e Sudanit të Jugut pengohet nga paqëndrueshmëria politike, ekonomia në krizë, varfëria ekstreme, pasiguria ushqimore, konflikti i armatosur dhe shpërngulja.
Dhuna e zgjatur ka shkatërruar sistemin arsimor të Sudanit Jugor. Që nga viti 2013, më shumë se 150 shkolla janë përdorur për qëllime ushtarake dhe një e treta e të gjitha shkollave në vend janë dëmtuar ose shkatërruar. Regjistrimi dhe pjesëmarrja e rregullt në shkollë u siguron fëmijëve ndjenjë normaliteti pas viteve të tëra të dhunës, zhvendosjes dhe varfërisë që kanë duruar fëmijët e Sudanit të Jugut.
-
UNICEF: Mbi 200 fëmijë, përfshirë njëvjeçarë, janë përdhunuar në Sudan
-
Përmbytjet në Sudan e rëndojnë gjendjen e banorëve të dërrmuar nga lufta civile
-
Moti ekstrem mbyll shkollat dhe lë pa rrymë Sudanin Jugor
-
Të paktën 25 milionë njerëz përballen me uri e kequshqyerje për shkak të konfliktit në Sudan
-
Rreth 500 fëmijë vdiqën prej urisë në Sudan që nga prilli