15 persona, përfshirë tre fëmijë, u lënduan nga të shtënat nga një veturë natën e Halloweenit drejtuar një turme në Chicago, raportoi AP.
Policia ka thënë se tre fëmijët janë një 3-vjeçar, një 11 dhe një 13-vjeçar. Të plagosurit e tjerë janë të rritur.
Një grua e cila po ikte nga vendi i ngjarjes u godit nga një automjet ndërsa po kalonte rrugën. Ajo u dërgua menjëherë në spital.
Disa nga viktimat janë në gjendje të rëndë, ndërsa nuk u raportua për të vdekur.
Policia ka shtuar se të shtënat zgjatën pak sekonda.
Sipas videos nga kamerat e sigurisë, të përfshirë ishin dy të armatosur që gjuajtën në drejtim të turmës.
Ende nuk është bërë ndonjë arrestim, ndërkohë që nuk dihet motivi.
Artikuj të ngjashëm