Së paku tetë persona janë lënduar në sulmin e së dielës në një tubim javor të anëtarëve të komunitetit hebre në Colorado të cilët ishin mbledhur për t’u dalë në mbështetje pengjeve të mbajtura nga Hamasi në Gaza, ka thënë policia.
Autoritetet fillimisht thanë se gjashtë persona u plagosën në sulm, në të cilin i dyshuari hodhi një pajisje ndezëse në turmë, ka bërë të ditur agjenti special i FBI-së në Denver, Mark D.Michalek.
Në sulm u plagosën katër gra dhe katër burra nga mosha 52 deri në 88 vjeç. Të njëjtit u dërguan në spitale në zonën metropolitane të Denverit, tha policia e Boulderit.
FBI-ja ka thënë se sulmuesi kishte thirrur “Palestina e lirë” gjatë kohës kur kishte hedhur mjetin ndezës në turmë.
