Një shpërthim i fuqishëm me bomb tronditi një treg në Bagdadin lindor të enjten, duke vrarë një person dhe duke plagosur 12 të tjerë, sipas ushtrisë së Irakut, njofton AP.
Një zyrtar i policisë ka thënë se shpërthimi në qytetin Sadr City, në lagjen Habibiya, ishte shkaktuar nga një makinë bombë.
Një deklaratë ushtarake ka thënë se një person u vra dhe 12 u plagosën, sipas një hetimi paraprak. Pesë vetura u dogjën, shtuan ata, pa thënë se çfarë e shkaktoi shpërthimin.
Shpërthimet në kryeqytetin irakian, veçanërisht në lagjen mbizotëruese shiite të qytetit Sadr City, dikur ishin dukuri e përditshme, por janë bërë më pak të shpeshta në vitet e fundit, veçanërisht pas humbjes së grupit të Shtetit Islamik në vitin 2017.
Askush nuk mori menjëherë përgjegjësinë për bombardimin e së enjtes.
Zhvillimi vjen disa orë pasi një sulm me dron që shënjestroi trupat e koalicionit të drejtuara nga Shtetet e Bashkuara afër aeroportit Irbil dhe një baze ushtarake turke në Irakun verior.
-
Shtatë policë të vdekur në një sulm në veri të Irakut
-
Iraku tronditet nga sulmi që la katër të vdekur
-
32 të vdekur në sulmin e parë të madh me bombë në Irak, pas tre vjetësh
-
Tre të vdekur e 16 të lënduar në një sulm vetëvrasës në Bagdad
-
Tetë të vdekur dhe 36 të lënduar nga një zjarr në një qendër tregtare në Iran