Një person ka vdekur e nëntë të tjerë janë plagosur si pasojë e një gjuajtjeje me armë në një festë të Halloweenit, në Teksas, ka bërë të ditur Policia.
Sulmi me armë zjarri ka ndodhur të shtunën mbrëma në një festë në Texarkana, ka njoftuar Policia e cila ka vlerësuar se në vendin e ngjarjes ishin të pranishëm qindra persona.
Dhjetë personat që janë qëlluar janë dërguar në dy spitale për trajtim, me ambulanca, vetura të Policisë apo edhe vetura private.
Më vonë u bë e ditur se si pasojë e plagëve ka vdekur një 20-vjeçar ndërkohë që 9 të tjerët janë jashtë rrezikut për jetë.
Policia nuk ka arritur ta arrestojë ende të dyshuarin për sulmin, pasi ai kishte ikur nga vendi i ngjarjes me një veturë të panjohur.
Texarkana ndodhet në kufirin e Teksasit, rreth 290 kilometra në lindje të Dallasit.
-
Një i vdekur dhe 9 të plagosur nga të shtënat në festën e Halloweenit në Indianapolis
-
Tre të vdekur dhe katër të plagosur nga një sulm në një festival në SHBA
-
Plagosen 12 persona në një festival në SHBA, policia vihet në kërkim të të dyshuarve
-
Të paktën 3 të vdekur dhe 14 të plagosur nga të shtënat në New Mexico
-
Një i vrarë dhe disa të plagosur nga të shtënat në një universitet në SHBA