Jeta është shtrenjtuar për gati 70 për qind në Turqi për një vit, nga prilli në prill, kanë treguar të dhënat zyrtare, shkruan BBC.
Ushqimi, transporti e pajisjet shtëpiake kanë shënuar shtrenjtimin më të madh në një vit. Çmimet e transportit janë dyfishuar në këtë periudhë.
Shtetet në botë po përballen me kosto to shtrenjtuar të jetesës për shkak të krizës qëkur Rusia nisi pushtimin e Ukrainës. Por problemet e Turqisë kanë qenë më të mëdha për shkak të rezistencës së presidentit për t’i ngritur kamatat – masë që zakonisht përdoret për të ulur inflacionin.
Çmimet e ushqimit dhe pijeve joalkoolike u ngritën për 89 për qind, ndërsa pajisjet shtëpiake për 77.64 për qind.
Sipas të dhënave të Institutit të Statistikave në Turqi, çmimet u rritën për 7.25 për qind vetëm në prill.
Turqia në këtë periudhë ka përjetuar rënie të madhe të vlerës së lirës, pasi presidenti Recep Tayyip Erdogan ka pasur më shumë prioritet eksportet sesa stabilitetin e valutës.
-
Turqve iu rëndohet jeta ekonomike, inflacioni gati 80 për qind
-
Inflacioni në Turqi arrin në nivel rekord në dy dekadat e fundit
-
Inflacioni në Turqi arrin në 54%, thellon krizën në familje
-
Inflacioni godet rëndë turqit
-
Inflacioni ndryshon shprehitë e qytetarëve - rritja e çmimeve bëhet gati e papërballueshme