Izraeli po u kërkon të gjithë personave mbi moshën 3-vjeçare një dëshmi të vaksinimit apo testit negativ të COVID-19 para se të hyjnë në hapësira të mbyllura, ndërsa po përballet me rritje të madhe të rasteve të infeksionit me koronavirus, njofton BBC.
Restorantet, kafenetë, muzetë, libraritë, palestrat e pishinat janë në mesin e pjesëve që janë të mbuluara me sistemin e “pasaportës së gjelbër”.
Mirëpo, dëshmia e imunizimit nuk kërkohet për t’u futur në shitore apo qendra tregtare.
Shefi i luftës kundër COVID-19 në Izrael, Salman Zarka, ka thënë se “është një luftë” me virusin ndonëse vendi është lider sa i përket vaksinimit.
“Numri i të sëmurëve po vazhdon të rritet ditë pas dite”, ka thënë Zarka në komisionin parlamentar të mërkurën.
Edhe
Protesta kundër vaksinimit në Izrael
Ai ka paralajmëruar se dy javët e ardhshme deri më 6 shtator do të jenë kritike.
Ai ka thënë se nëse gjërat nuk do të përmirësohen atëherë vendi duhet të mbyllet si në dy valët e para.
Izraeli ka përjetuar një rritje të rasteve me variantin Delta që nga fundi i qershorit.
Ministria e Shëndetësisë së izraelit ka raportuar të martën për 7870 raste të reja me koronavirus, një ulje krahasim me 8752 raste sa u regjistruan të hënën, që ishte shifra më e lartë në gjashtë muajt e fundit.
Më tepër se 120 persona kanë vdekur në javën e fundit pasi janë infektuar me virus dhe 600 persona janë në gjendje serioze apo kritike në spitale.
Para të mërkurës vetëm fëmijëve nga 12 vjet e më tepër, që ishin të lejuar të merrnin vaksinën që nga qershori, dhe të rriturve u kërkohej “Pasaporta e Gjelbër”.
Edhe
Izraeli përgatitet për dozën e katërt, vaksinimi anti-COVID çdo pesë ose gjashtë muaj
Tash do t’u kërkohet edhe fëmijëve të moshës nga 3 deri në 11 vjet. Testimi i tyre do t’u mbulohet nga Qeveria pasi ata nuk kanë të drejtë vaksinimi, me përjashtim nëse janë mbi 5 vjet dhe futen në kategorinë e personave me rrezik të lartë nga COVID-19.
Rreth 1 milionë qytetarë – apo 11 për qind e popullatës – që nuk janë vaksinuar ndonëse kishin të drejtë të vaksinoheshin, duhet të paguajnë vetë për testet e tyre.
Izraeli ka filluar të japë edhe dozën e tretë të vaksinës së Pfizer/BioNTech për personat mbi 50 vjet, punonjësve shëndetësore dhe personave me probleme shëndetësore.
Deri më tash, 1.1 milionë persona kanë marrë dozën e tretë.
Ofruesi izraelit i kujdesit shëndetësor Maccabi, që mbulon rreth një çerek të popullatës, ka raportuar të mërkurën se një dozë e tretë e vaksinës Pfizer është 86 për qind efikase nga parandalimi i infeksionit me COVId-19 te personat mbi 60 vjet.
Edhe
Izraeli nis vaksinimin e fëmijëve me dozën e tretë
Zarka gjithashtu ka thënë se asnjë person që aktualisht është në gjendje kritike në spital nuk është me vaksinë përforcuese.
Në Izrael afro 60 për qind e popullatës është vaksinuar plotësisht, me dy doza të vaksinës.
