Një 15-vjeçare po trajtohet në një spital në Indi, pasi dyshohet se iu vu zjarri nga një djalë që akuzohet për përdhunimin e saj, raportoi të mërkurën CNN.
Kamlesh Kumar Dixit, polic në Uttar Pradesh, ka thënë se djali 18 vjeç dhe nëna e tij u arrestuan me dyshimin për tentim vrasje, pasi supozohet se i hodhën vajguri vajzës dhe ia futën flakën më 6 tetor.
Policia e akuzon djalin – i cili është kushëri i viktimës – për përdhunim, vepër nga e cila ajo mbeti shtatzënë.
Pasi mësoi për shtatzëninë e vajzës, familja e saj dhe ajo e përdhunuesit të dyshuar kanë diskutuar nëse ata të dy duhet t’i martojnë, tha Dixit.
Mediat indiane raportuan se vajza u josh për të shkuar në shtëpinë e djalit me pretekstin e martesës, por se në fakt iu vu flaka.
Edhe
India liron burrat që ishin dënuar me vdekje për përdhunimin e një të reje
Nuk dihet gjendja shëndetësore e vajzës.
India përballet me raste të shpeshta dhunës kundër grave dhe vajzave.
