NATO dhe Bashkimi Evropian kërkuan sot paqe në Ballkan, pas dënimit me burgim të përjetshëm të ish-shefit të ushtrisë së serbëve të Bosnjës, Ratko Mlladiq, për gjenocid, krime kundër njerëzimit dhe krime lufte.
“Kjo tregon se shteti i të drejtës funksionon dhe se ata që janë përgjegjës për krime lufte, duhet të japin llogari”, theksoi sekretari i përgjithshëm i NATO-s, Jens Stoltenberg, në një komunikatë, shkruan KP.
I ashtuquajtur “Kasapi i Ballkanit”, Ratko Mlladiq u dënua me burgim të përjetshëm nga Gjykata Penale Ndërkombëtare për ish-Jugosllavinë (TPIY), me seli në Hagë, për gjenocid, krime kundër njerëzimit dhe krime lufte.
“Shpresoj që ky gjykim do të inkurajojë rajonin e Ballkanit të avancojë në rrugën e paqes dhe pajtimit”, deklaroi Stoltenberg duke nënvizuar se Mlladiq ishte shpallur fajtor për krimet çnjerëzore kundër civilëve, veçanërisht në Srebrenicë gjatë verës së vitit 1995.
Nga ana e tij, Bashkimi Evropian u kërkoi të gjitha vendeve të Ballkanit të nderojnë viktimat nga krimet e luftës dhe të punojnë në favor të paqes në rajon.
-
Rusia bën thirrje për lirimin e kriminelit të luftës, Ratko Mlladiq
-
BE-ja u kërkon politikanëve në Ballkanin Perëndimor të respektojnë tribunalet ndërkombëtare
-
Burgim i përjetshëm për “Kasapin e Ballkanit”
-
Në Hagë do të nisë apeli i Mlladiqit për burgim të përjetshëm
-
Reagime në Bosnje për dënimin e Ratko Mlladiqit