Momenti kur rusët ranë në minë gjatë “pastrimit” të zonës

Ushtria ruse po merrej me pastrimin e zonës nga minat në Kherson, kur njëri ushtarak ra në minë dhe humbi jetën.

Kështu të paktën u pa në pamjet e njërit prej blogjeve ukrainase në rrjetin social X, ku u panë ushtarët rusë pranë një tanku.

Nuk është bërë e ditur se kur ka ndodhur ky incident, por aty u bë e ditur se të paktën dy ushtarë pësuan nga mina tokësore.

Lufta në Ukrainë po vazhdon edhe në kohën kur Shtetet e Bashkuara të Amerikës (SHBA) aprovuan ndihmën miliardëshe për ushtrinë e presidentit Volodymyr Zelensky.

SHBA-ja dhe vendet evropiane kanë thënë në vazhdimësi se ndihmat për Ukrainën do të vazhdojnë “derisa të jetë e nevojshme”.