Delegacioni amerikan, i udhëhequr nga zëvendëspresidenti JD Vance të dërguarin special të presidentit amerikan Steve Witkoff, dhe Jared Kushner, kanë arritur në Islamabad në mëngjes, ku u pritën nga shefi i ushtrisë së Pakistanit, Feldmarshal Asim Munir, ministri i Jashtëm Ishaq Dar dhe ministri i Brendshëm Mohsin Naqvi.
Dar ka thënë se shpreson që SHBA-ja dhe Irani do të angazhohen "në mënyrë konstruktive" në bisedimet e paqes sot.
Dar përsëriti gjithashtu se Islamabadi dëshiron të vazhdojë të lehtësojë bisedimet në mes palëve për të arritur një "zgjidhje të qëndrueshme në konflikt".
Udhëheqës të lartë amerikanë dhe iranianë ndodhen në kryeqytetin pakistanez, Islamabad, për negociata për t'i dhënë fund luftës së tyre gjashtëjavore.
Delegacioni iranian, i udhëhequr nga kryetari i Parlamentit Mohammad Baqer Qalibaf dhe ministri i Jashtëm Abbas Araqchi, mbërriti të premten.
Këto do të jenë bisedimet e nivelit më të lartë SHBA-Iran që nga Revolucioni Islamik i vitit 1979 dhe negociatat e para zyrtare ballë për ballë midis dy palëve që nga viti 2015, kur ata arritën një marrëveshje mbi programin bërthamor të Iranit.
SHBA-ja dhe Irani zhvillojnë bisedime në Pakistan
-
Delegacioni amerikan dhe ai iranian në takime të ndara me kryeministrin e Pakistanit
-
Pakistani rrit masat e sigurisë për bisedimet për paqe
-
Trumpi i çon emisarët në Islamabad, Irani përjashton bisedimet direkte
-
Kushneri e Witkoffi do të shkojnë në Islamabad për bisedime me Iranin
-
“Pezullimi” i bisedimeve SHBA-Iran – mblidhen në Shtëpinë e Bardhë zyrtarët më të lartë amerikanë