Më shumë se 9 mijë banorë të Kalifornisë evakuohen shkaku i përmbytjeve

Më shumë se 9 mijë banorë të Kalifornisë janë urdhëruar të evakuohen si pasojë e përmbytjeve të mëdha. Lumenjtë kanë dalë nga shtrati shkaku i shiut të madh dhe erërave të fuqishme të premten në mbrëmje.

Në qytetin Santa Cruz County, mijëra banorë janë ngujuar nëpër shtëpitë e tyre, pasi lumenjtë atmosferikë krijuan rrebeshin e shiut. Ekipet e shpëtimit kanë hequr pemët nga rrugët me qëllim që njerëzit të mund të kalojnë dhe të evakuohen.

Disa parqe publike janë mbyllur për vizitorët shkaku i shiut të madh. Rezervuarët e shtetit që ishin në nivelet më të ulëta shkaku i thatësisë së madhe të vitit të kaluar, tani janë mbi mesataren dhe kanë nxitur zyrtarët që të lirojnë ujin nga diga për t’i kontrolluar përmbytjet.

Ndërkaq, zyrtarët e transportit kanë njoftuar se masa e borës që kanë hequr gjatë muajit shkurt do të mjaftonte për të mbushur një prej digave më të mëdha të Kalifornisë.