Punonjësit e bareve dhe restoranteve në Skoci kanë hedhur një grumbull të madh me kuba akulli jashtë Parlamentit të Skocisë.
Kjo u bë në formë proteste për rimbylljen e tyre në kuadër të masave kundër koronavirusit, përcjell A2.
Qeveria skoceze ka vendosur mbylljen e bareve, restoranteve dhe pub-eve deri më 25 tetor, duke i lejuar që t’i shërbejnë vetëm njerëzve që duan të marrin me vete ushqimin apo pijet.
“Nuk e dimë se çfarë do të bëhet me ne. E kemi kaluar keq valën e parë pasi nuk punuam, tani prapë na mbyllën. A do të punojmë për Krishtlindje dhe Vitin e Ri? Nuk dimë gjë fare”, tha një punonjëse restoranti.
Artikuj të ngjashëm
