Shefi i platformës “Terraform Labs”, që operonte me dy kriptovaluta të cilat dështuan më 2022, ka pranuar fajësinë për dy akuza për mashtrim miliardësh.
Do Kwon nga Koreja e Jugut akuzohet se ka ndihmuar në krizën e kriptovalutave që u kushtoi investitorëve më shumë se 40 miliardë dollarë. Në platformë operohej me dy kriptovaluta – “Terra USD” dhe “Luna”.
SHBA-ja e ka akuzuar Kwonin si përgjegjës për dështimin e dy kriptomonedhave. Ai akuzohet se ka orkestruar mashtrimin e aseteve kriptografike me vlera shumë miliardë dollarëshe.
Si pjesë e pranimit të fajësisë, prokurorët nuk kanë kërkuar dënim më të madh se 12 vjet.
Kwon pritet të marrë dënimin më 11 dhjetor.
Edhe
Ekstradohet në SHBA “mbreti i kriptovalutave”
Ai pranoi fajin në një gjykatë në New York, pas arrestimit në Mal të Zi në mars të vitit 2023.
Adhuruesit e “Lunës” u bënë të njohur si “Lunatics”, ndërsa Kwonit i referoheshin si “mbret”.
Por, pavarësisht se një sasi e madhe parash u investua në to, më 9 maj të vitit 2022 Terraform Labs u shemb në mënyrë katastrofike, duke humbur më shumë se 99 për qind të vlerës në 48 orë.
Investuesit u përpoqën të merrnin paratë e tyre nga kriptovalutat e tjera, nga frika se mund të ngjajë një gjë e ngjashme.
Vlerësohet se i ashtuquajturi “cryptocrash” rezultoi në humbje të mëdha, qindra miliarda dollarë.
Edhe
Ish-magnati i kriptovalutave dënohet me 15 vjet burgim për mashtrim 40 miliardë dollarësh
Bitcoini ishte në mesin e kriptovalutave që u prek.
“Terraform Labs” përfundimisht dorëzoi falimentimin në SHBA në janar të vitit 2024.
