Mbi 200 kafshë ngordhin si pasojë e një zjarri masiv në Krime

Më shumë se 200 kafshë kanë ngordhur nga një zjarr masiv në kopshtin zoologjik “Tropic Park”, në Yevpatoria të Krimesë.

Sipas shërbimeve të emergjencës të Krimesë, një punonjëse e kopshtit ka arritur të largohet në mënyrë të sigurt, raporton AP.

Ekipet e zjarrfikësve kanë arritur të shpëtojnë dy arinj, kanë bërë të ditur shërbimet e emergjencës.

Zyra e prokurorit e Krimesë ka nisur një hetim lidhur me incidentin.

Shërbimet lokale të emergjencës fillimisht kanë raportuar se zjarri kishte nisur nga tavani.

Kopshti ndodhej në një ndërtesë pesë-katëshe dhe ishte shtëpi e lemurëve, rakunëve, papagajve, breshkave dhe kafshëve të tjera ekzotike.