Mali i Zi ka shënuar dy rastet e para me koronavirus, të marten mbrëma.
Kryeministri malazez, Dushko Markoviq, gjatë një konference shtypi ka bërë të ditur se pozitive për COVID-19 kanë dalur dy gra.
“Laboratoret e Institutit malazez për Shëndet Publik, kanë konfirmuar të marten rastet e para të infektimit me koronavirus në Mal të Zi. Pacientet janë të gjinisë femërore – të lindura më 1948 dhe 1973 dhe të dyja kanë qenë para pak kohësh në rajone të prekura nga epidemia”, ka thënë Markoviq, duke shtuar se gjendja e tyre shëndetësore është stabile.
Markoviq ka shtuar se shteti i tij prej këtij momenti e nis një fazë të re në përballjen me këtë sfidë shëndetësore dhe shoqërore.
“Megjithatë, nuk ka vend për panik”, ka thënë ai.
Mali i Zi, deri më tani ka qenë shteti i vetëm në Evropë pa raste të koronavirusit.
-
Vuçiq vazhdon ta vuajë që Mali i Zi e ka pranuar pavarësinë e Kosovës
-
Mali i Zi vendos vizat për turqit, pas një sërë arrestimesh në Podgoricë
-
Pas Zetës, edhe një komunë e Malit të Zi “anulon” njohjen e Kosovës
-
Abazoviqi merret në pyetje për dhënien e shtetësisë së nderit biznesmenit kosovar
-
Kosova e Mali i Zi nënshkruajnë marrëveshje për njohjen e shërbimeve të besuara e identifikimit elektronik