Një ushtar francez, i cili ishte pjesë e Forcave Ndërkombëtare të stacionuara në Libanin jugor, u vra, tha të shtunën presidenti francez Emmanuel Macron, duke shtuar se provat sugjerojnë që grupi i armatosur i mbështetur nga Irani, Hezbollah, ishte përgjegjës për sulmin.
Tre ushtarë të tjerë u plagosën dhe janë evakuuar, tha Macron në një postim në X, duke i kërkuar qeverisë libaneze të veprojë kundër autorëve të dyshuar.
Edhe qeveria libaneze ka dënuar sulmin e sotëm ndaj batalionit francez. Kryeministri libanez, Nawaf Salam, tha se paqeruajtësit francezë të OKB-së u sulmuan në Liban, ndërsa bëri thirrje për një hetim urgjent për incidentin. Ai nuk tha se kush e nisi sulmin kundër kontingjentit francez të Forcës së Përkohshme të OKB-së në Liban, i cili ishte duke patrulluar zonat në jug të vendit.
Ushtarët ishin pjesë e Forcës së Përkohshme të OKB-së në Liban (UNIFIL), një mision paqeruajtës në jug të vendit.
-
Franca dhe Britania kërkojnë përfshirjen e Libanit në marrëveshjen për armëpushim
-
Trumpi kërcënon Iranin teksa zhvillohen bisedimet në Zvicër
-
Izraeli dhe Hezbollahu vazhdojnë sulmet pavarësisht armëpushimit
-
Izraeli sulmon Libanin pavarësisht kritikave të Trumpit
-
Nëntë persona vriten pas sulmeve izraelite, përfshirë ushtarakë