-
Përktheu:
Blerta Haxhiu
- 26 korrik 2025 12:09
- Shpërndaje në:
Luftimet në kufirin mes Tajlandës dhe Kamboxhias vazhduan për të tretën ditë radhazi. Të dyja palët pretendojnë se kanë vepruar në vetëmbrojtje dhe kërkojnë që pala tjetër të ndalojë sulmet dhe të nisë negociatat.
Më shumë se 30 persona janë vrarë dhe mbi 130.000 janë zhvendosur. Kjo është përplasja më e madhe në 13 vjetët e fundit mes dy vendeve, raporton Reuters.
Të shtunën në mëngjes pati përplasje të reja. Ato ndodhën në provincën bregdetare Thai të Tratit dhe në provincën Pursat të Kamboxhias. Ky është një front i ri, mbi 100 km larg nga zonat e tjera të konfliktit.
Tensionet nisën pas vrasjes së një ushtari kamboxhian në fund të majit. Të dyja palët shtuan praninë ushtarake në kufi. Situata shkaktoi krizë politike në Tajlandë.
Tajlanda raportoi për 7 ushtarë dhe 13 civilë të vrarë. Kamboxhia raportoi 5 ushtarë dhe 8 civilë të vrarë, sipas zëdhënëses së Ministrisë së Mbrojtjes, Maly Socheata.
Në provincën kufitare të Sisaketit në Tajlandë, një universitet është shndërruar në strehë të përkohshme. Raportohet se aty po qëndrojnë mbi 5.000 persona.