Vajza që vrau nënën e saj abuzive, një rast që tronditi SHBA-në, është liruar nga burgu pasi kaloi më shumë se shtatë vjet prapa grilave.
32-vjeçarja Gipsy Rose Blanchard u deklarua fajtore për vrasje të shkallës së dytë të Dee Dee Blanchard në Missouri në vitin 2015.
Pas vite abuzimi dhe operacione ta panevojshme, ajo komplotoi me të dashurin e saj, Nicholas Godejohn, vrasjen e nënës.
Rasti i saj ka nxitur interes të madh në media dhe një numër dokumentarësh e shfaqjesh televizive.
Ajo ishte dënuar me 10 vjet burgim.
Godejohn, të cilin ajo e takoi në internet, është ende në burg dhe po vuan dënim të përjetshëm.
Ai theri Dee Dee Blanchardin me një thikë që vajza e saj ia dha dhe të dy ikën nga vendi i ngjarjes, raportoi BBC.
Edhe
Vrasja e nënës e shtyu të bëhej polic, pas 16 vjetësh arrestohet një i dyshuar
Një postim në Facebook i Gypsy Rose Blanchardit ku dukej se ajo rrëfeu vrasjen, nxiti shqetësimin e miqve të nënës së saj dhe më vonë u gjet trupi i saj.
Gipsy Blanchard u rrit duke besuar se vuante nga disa sëmundje, përfshirë leukeminë, distrofinë muskulore, probleme me shikim dhe dëgjim e të tjera. Ajo përdori karrocë, tub ushqyes dhe kaloi nëpër disa operacione që më vonë rezultuan se kishin qenë të panevojshme. Nëna e saj gënjeu për moshën e Gypsyt duke e bërë të dukej më e vogël.
Gypsy Blanchard kishte thënë se nëna e mbante të izoluar dhe të varur nga ajo. Tregoi se sa po rritej i shtohej kurioziteti për botën jashtë, prandaj krijoi një profil në internet dhe filloi lidhjen online me Godejohnin.
