Udhëheqësit e NATO-s janë mbledhur në kryeqytetin e Turqisë, Ankara, në samitin vjetor që do të mbahet për dy ditë, më 7 dhe 8 korrik.
Presidenti amerikan, Donald Trump, është pritur nga nikoqiri Recep Tayyip Erdogan. Ai pritet sërish të ketë fjalën kryesore, me kritikat ndaj shteteve partnere për çështjen e Iranit, por edhe për shpenzimet për mbrojtjen. Priten diskutime edhe për Ukrainën, por edhe për praninë amerikane në Evropë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAty priten edhe marrëveshje për prodhim armësh.
Trumpi e rikërkon Grenlandën, ia heq sanksionet Turqisë
Photo: Associated Press
Presidenti amerikan, Donald Trump, ka përsëritur të martën kërkesën që ishulli i Grenlandës duhet të kontrollohet nga SHBA-ja dhe jo nga Danimarka. Nga Ankaraja, ku janë mbledhur liderët e NATO-s për samitin në Turqi, Trumpi ka njoftuar edhe për heqjen e sanksioneve ndaj shtetit nikoqir.
Gjatë takimit me presidentin turk Recep Tayyip Erdogan, Trumpi ka thënë se SHBA-ja duhet ta blejë apo kontrollojë ishullin gjysmëautonom, që është territor danez. Kjo çështje ka shkaktuar tash e sa kohë tensione mes Washingtonit dhe Kopenhagës – të dyja shtete anëtare të NATO-s.
“Duhet të kontrollohet nga SHBA-ja, jo nga Danimarka”, u ka thënë ai gazetarëve gjatë takimit me Erdoganin. Ai ka thënë se pikërisht kjo çështje i ka lënduar raportet me NATO-n.
E Trumpi ka njoftuar po ashtu se SHBA-ja do t’ia heqë sanksionet Turqisë. Këto sanksione i ishin vënë kur Ankaraja bleu raketa ruse. Sanksionet e ndaluan shitjen e aeroplanëve luftarakë te Turqia. Tani ato pritet të rihapen.
“Do të heqim sanksionet”, u tha Trumpi gazetarëve. Ai paralajmëroi se sekretari i Shtetit dhe Thesarit po merren me çështjen.