Mbështetja e Kinës për Rusinë po “mundëson” luftën e saj në Ukrainë, kanë thënë liderët e ekonomive të mëdha, ndërsa kërcënuan me sanksione akterët që mbështesin Moskën.
Paralajmërimi, i lëshuar në fund të samitit vjetor të shteteve të G7-s në Itali, vjen ndërsa SHBA-ja po rrit përpjekjet diplomatike për të bindur Evropën të marrë qëndrim më të ashpër ndaj Kinës lidhur me rolin e saj në ndihmën ushtarako-industriale të Rusisë.
“Mbështetja e vazhdueshme e Kinës për bazën industriale të mbrojtjes ruse po i mundëson Rusisë ta vazhdojë luftën e saj në Ukrainë dhe ka ndikime të thella në siguri”, thuhet në deklaratën e udhëheqësve të G7-s.
Ata i kanë bërë thirrje Kinës që të ndalojë transportimet e materialeve që përfshijnë armë dhe pajisje luftarake, raportoi CNN.
Zyrtarët amerikanë e kanë akuzuar Kinës se po e ndihmon Rusinë ta zgjerojë prodhimin ushtarak. Pekini ka mohuar të gjitha duke thënë se nuk i ka ofruar armë Rusisë.
SHBA-ja dhe Bashkimi Evropian tashmë i kanë vendosur sanksione kompanive kineze.
-
SHBA-ja paralajmëron kompanitë kineze kundër mbështetjes së luftës së Rusisë
-
G7-a zotohet për “mbështetje të palëkundur për Ukrainën”
-
Zelensky thotë se G7-a u pajtua që Rusia nuk po e fiton luftën në Ukrainë
-
G7-a rikonfirmon mbështetjen e palëkundur për Ukrainën
-
Macroni kërkon ndihmën e Xi-së për të arritur paqen në Ukrainë