Kryeministrja e Finlandës, Sanna Marin, ka humbur rastin për një mandat të dytë të dielën, me partinë e saj të drejtuar drejt humbjes nga dy kundërshtarë konservatorë në një garë jashtëzakonisht të ngushtë trepalëshe për kontrollin e parlamentit.
Kur janë numëruar 97.7 për qind të votave, Partia e Koalicionit Kombëtar e qendrës së djathtë ka arritur të sigurojë 20.7 për qind.
Kjo parti fitoi ngushtë, pasi partia populiste e djathtë arriti 20.1 për qind e pasuar nga socialdemokratët me 19.9 për qind.
Me tri partitë kryesore që secila merr rreth 20% të votave, asnjë parti nuk është në gjendje të formojë një qeveri e vetme.
Mbi 2.400 kandidatë nga 22 parti ishin në garë për 200 vendet në parlamentin e vendit nordik.
Edhe
Ish-kryeministrja e Finlandës do të largohet nga Parlamenti
Marin mbetet popullore në vend, por pikëpamjet e partisë së saj mbi ekonominë finlandeze, e cila u shfaq si tema kryesore e fushatës, po sfidoheshin nga konservatorët. Ndërkaq, sekretari i përgjithshëm i NATO-s Jens Stoltenberg ka deklaruar të hënën se Finlanda do të bëhet anëtarja e 31-të e aleancës ushtarake.
Stoltenberg këshilloi që Turqia, vendi i fundit që ka ratifikuar anëtarësimin e Finlandës, t’i dorëzojë tekstet e saj zyrtare Sekretarit të Shtetit të SHBA-së, Antony Blinken, teksa ministrat e jashtëm të NATO-s mblidhen në Bruksel.
