Kryeministri suedez Ulf Kristersson, ka shprehur gatishmërinë për t’u takuar me liderin hungarez, Viktor Orban, për të çuar më tej kërkesën e Suedisë për anëtarësim në NATO, raportoi të enjten “Euronews”.
Kristerssoni ka rënë dakord të takohet me homologun e tij hungarez, i cili e ftoi në Budapest për të diskutuar pranimin e Suedisë në NATO.
Kryeministri i Suedisë ka thënë se bisedimet më të thella midis vendeve do të ishin më të dobishme.
Ftesa e Orbanit u bë pasi Hungaria mbetet i vetmi anëtar i NATO-s që nuk ka ratifikuar ofertën e Suedisë për t'u bashkuar me aleancën.
“Mezi pres të diskutoj të gjitha çështjet në thellësi me ju në Budapest në një kohë të përshtatshme për të dy”, shkroi Kristerssoni në një letër drejtuar Orbanit, sipas agjencisë suedeze të lajmeve TT.
Pranimi në NATO kërkon unanimitet midis të gjitha vendeve anëtare, por më shumë se një vit vonesë në Budapest dhe Ankara kanë frustruar aleatët e tjerë që duan të zgjerojnë aleancën ushtarake mes luftës së Rusisë në Ukrainë.
Edhe
Largohet pengesa e fundit e Suedisë drejt anëtarësimit në NATO
Ligjvënësit turq kanë miratuar anëtarësimin e Suedisë në NATO, duke hequr një pengesë të madhe për hyrjen e vendit në aleancën ushtarake. Ligjvënësit ratifikuan protokollin e pranimit të Suedisë, 287 pro me 55 kundër.
Turqia ka vonuar anëtarësimin e Suedisë për më shumë se një vit, duke e akuzuar vendin se ishte shumë i butë ndaj grupeve që Ankaraja i konsideron si kërcënime të sigurisë. Ajo kërkoi lëshime nga Stokholmi, duke përfshirë lëvizjet për të luftuar militantët.
