Kryeministri i Australisë vë në dyshim kredibilitetin e Macronit

Kryeministri australian, Scott Morrison, ka vënë në dyshim kredibilitetin e presidentit francez, Emmanuel Macron. Ai i është referuar shkrimit të një gazete, që sipas një mesazhi sugjeronte se Franca e kishte pritur lajmin e keq për prishjen e marrëveshjes së blerjes së nëndetëseve franceze.

Një gazetë australiane ka vënë në dyshim shpjegimin e Joe Bidenit dhënë Macronit, sipas të cilit presidenti amerikan mendonte se homologu francez ishte informuar para shtatorit për prishjen e marrëveshjes në vlerë prej 66 miliardë dollarëve amerikanë.

Macroni e akuzoi javën e kaluar Morrisonin se kishte gënjyer gjatë një darke në Paris në qershor për të ardhmen e kontratës pesëvjeçare për blerjen e 12 nëndetëseve konvencionale franceze për të blerë nëndetëse atomike nga SHBA-ja dhe Britania e Madhe.

Përplasja kishte shkaktuar debate të ashpra të zyrtarëve të të dyja shteteve, por edhe të Shteteve të Bashkuara të Amerikës për shkak se kritikët vlerësojnë se Washingtoni e sheh Kamberën zyrtare si palë të rëndësishme në luftën kundër ambicieve ushtarake dhe territoriale të Kinës në ngritje të fuqishme ekonomike në rajon.