Kryeministri francez, Gabriel Attal, dëshiron t’ua pamundësojë fëmijëve nën moshën 13-vjeçare që t’i përdorin rrjetet sociale, sipas një interviste që ka dhënë për gazetën Le Parisien.
“Dua të punoj me platformat për një barrierë të vërtetë digjitale, për t’u siguruar që asnjë i mitur nën moshën 13-vjeçare të ketë qasje në rrjetet sociale”, ka thënë Attal.
Sipas tij, të rinjtë e moshave 13-15-vjeçare do të duhej t’i përdornin rrjetet sociale vetëm me leje të prindërve.
Adoleshentëve në Francë u mundësohet që ligjërisht të krijojnë llogari në rrjetet sociale prej moshës 15-vjeçare.
Para asaj moshe, ata duhet të kenë miratimin e prindit.
Attal është shprehur i bindur që mund jetë i suksesshëm në këtë drejtim.
Edhe
Bllokohet nisma e Macronit që nën 15-vjeçarëve t’u ndalohen rrjetet sociale
“Kjo është diçka shumë e vështirë, por jo e pamundshme”, ka thënë ai, duke përmendur rëndësinë e bashkëpunimit me platformat si Facebook dhe Tiktok, meqë ato, sipas tij, janë të vetëdijshme se po rrezikohet imazhi i tyre.
“Ato do të bashkëpunojnë”, ka thënë Attal, 34-vjeçar, kryeministri më i ri ndonjëherë i Francës.
Ai është edhe kryeministri i parë që është deklaruar si homoseksual.
-
Franca do të përshpejtojë ndalimin e rrjeteve sociale për fëmijët nën 15 vjeç
-
Parlamenti francez miraton ndalimin e rrjeteve sociale për fëmijët nën 15 vjeç
-
BE-ja do të kufizojë qasjen e fëmijëve në rrjetet sociale
-
Nga Australia në Evropë - Vendet nxitojnë ta ndalojnë qasjen e fëmijëve në mediat sociale