Kryeministri i Mbretërisë së Bashkuar, Andy Burnham, ka arritur të hënën në Ukrainë, në udhëtimin e tij të parë jashtë vendit si kryeministër.
Vizita shënon 35 vjetorin e pavarësisë së Ukrainës nga Bashkimi Sovjetik dhe ai pritet të njoftojë një marrëveshje që Ukraina të fillojë prodhimin e modeleve të veta të raketës britanike “Storm Shadow”.
Burnham u prit nga ministri i Jashtëm ukrainas Andrii Sybiha, ndërsa më vonë pritet të takohet edhe me presidentin Volodymyr Zelensky.
Ministri britanik i Mbrojtjes, Luke Pollard, ka deklaruar se fakti që udhëtimi i parë ndërkombëtar i Burnhamit si kryeministër është në Ukrainë tregon "nivelin e mbështetjes" që Mbretëria e Bashkuar ka për këtë vend.
Pollard ka thënë se nevojiten më shumë sisteme të mbrojtjes ajrore, duke shtuar se për shkak të konfliktit në Lindjen e Mesme ka "kërkesë të madhe për sistemet Patriot".
"Kjo është arsyeja pse Mbretëria e Bashkuar po e mbështet Ukrainën me mjete të tjera mbrojtëse, jo vetëm duke rrëzuar raketat kruiz që Rusia qëllon në Ukrainë, por edhe duke marrë masa kundër dronëve”, ka rhënë ai për BBC-në.
-
NATO-ja forcon mbrojtjen pas hyrjes së dronëve rusë në Poloni
-
Starmer niset drejt Kinës teksa aleancat perëndimore përballen me tendosje
-
Trumpi niset për një vizitë shtetërore në Britani të Madhe
-
Vrasja e mistershme – mendonin që ishte natyrale, por provat ishin aty
-
I nxehti dëmton të mbjellat në Evropë, por livanda në Kroaci po lulëzon