Qeveria e Japonisë iu bëri thirrje banorëve të Tokios dhe të zonave përreth që të përdorin më pak energji elektrike, për shkak se furnizimet do të tensionohen pasi vendi do të përballet me një valë të nxehti.
Siç raporton BBC-ja të hënën, Ministria e Ekonomisë, Tregtisë dhe Industrisë, bëri thirrje që të fiken dritat për tri orë në ditë, por të vazhdohet të përdoret kondicioneri për të shmangur goditjen nga nxehtësia.
Ministria tha se kapaciteti i tepërt gjenerues për energjinë elektrike pritet të bjerë në 3.7 për qind.
Tash e sa javë, zyrtarët japonezë kanë paralajmëruar për një krizë energjetike derisa temperaturat vazhdojnë të rriten.
Gjatë fundjavës, temperaturat në Tokio shkuan në mbi 35 gradë Celsius, derisa në qytetin Isesaki, në veriperëndim të kryeqytetit, pati një rekord prej 40 gradë Celsius. Kjo ishte temperatura më e lartë e që Japonia e regjistroi ndonjëherë në qershor.
-
Japonia po përjeton të nxehtin më të madh në 150 vjetët e fundit
-
Vala e të nxehtit trondit Japoninë, 250 të hospitalizuar
-
Tokio u lejon burrave të veshin pantallona të shkurtra në punë, gratë ankohen për “qimet e këmbëve”
-
Qipro po vlon nga i nxehti, temperaturat deri në 44 gradë Celsius
-
Moti ekstrem mbyll shkollat dhe lë pa rrymë Sudanin Jugor