Liderët e Azerbajxhanit dhe Armenisë janë përplasur në sytë e presidentit rus, Vladimir Putin, i cili i ka ftuar për një takim liderët e ish-republikave sovjetike.
Dy liderët kanë shpërfaqur dallimet e tyre në lidhje me territorin e Nagorno-Karabahut, ani pse para takimit ishte raportuar se kishte gatishmëri për marrëveshjen përfundimtare mes dy shteteve të armiqësuara për territorin e kontestuar.
Në takimin e mbajtur në Moskë, kryeministri armen, Nikol Pashinyan, ka shprehur shqetësimet për korridorin Lachin, rrugën që lidh Armeninë me enklavën e saj të Nagorno-Karabahut, që gjendet në territorin e Azerbajxhanit.
Ndërkaq presidenti i Azerbajxhanit, Ilham Aliyev, ka thënë se shteti i tij nuk ka bllokuar asnjë rrugë dhe se nuk ka nevojë për qasje të tillë nga ana e Armenisë.
Dy liderët kanë vazhduar të argumentojnë për disa minuta, para se Putini të mbyllte përplasjen e tyre, duke thënë se çështja ishte shumë e ndjeshme.
Presidenti rus pritet të mbajë një takim trepalësh me liderët e Azerbajxhanit dhe Armenisë.
Edhe
Putini i gatshëm të ndihmojë në arritjen e paqes ndërmjet Azerbajxhanit dhe Armenisë
Për më shumë se tri dekada, këto dy shtete kanë luftuar dy herë për Nagorno-Karabahun.
Në muajt e fundit, të dyja palët kanë shprehur gatishmëri për të nënshkruar marrëveshje të paqes, ani pse palët janë përplasur vazhdimisht.
-
Putini merr rolin e paqebërësit, pret udhëheqësit e Armenisë dhe Azerbajxhanit
-
Njeriu që nisi luftën në Ukrainë kërkon të ndalet ajo mes Armenisë e Azerbajxhanit
-
Pas gati katër dekadash, pajtohen Armenia dhe Azerbajxhani
-
Trumpi thotë se ka arritur marrëveshje historike mes Armenisë dhe Azerbajxhanit