Qeveria britanike është kritikuar për nënvlerësimin e kompanisë ushtarake private të Wagnerit për gati një dekadë, pavarësisht se ajo përbën kërcënim të madh për interesat e vendit, sipas një raporti të Komitetit të Punëve të Jashtme të Parlamentit Britanik, shkruan BBC.
“Për gati 10 vjet, qeveria ka nënvlerësuar aktivitetet e rrjetit Wagner, si dhe implikimet e sigurisë me zgjerimin e tyre”, sipas Komitetit.
Një nga problemet, shpjegon raporti, është se qeveria britanike e shikoi Wagnerin përmes prizmit të Evropës, të cilën komiteti e sheh si mangësi të konsiderueshme.
Dështimi i qeverisë për të adresuar rrjetin Wagner tregon mungesë thelbësore të njohurive dhe politikave ndaj grupeve të tjera malinje, sipas raportit.
Raporti i bën thirrje qeverisë të përmirësojë mbledhjen e inteligjencës mbi operacionet e Wagnerit dhe bën thirrje për sanksione më të shpejta ndaj atyre që janë të lidhur me rrjetin.
Qeveria britanike duhet “ta shpallë menjëherë Grupin Wagner si një organizatë terroriste”, thuhet në raport.
-
Wagneri do të shpallet organizatë terroriste nga Britania
-
Britania do ta shpallë “Wagnerin” organizatë terroriste
-
Britania planifikon t’i detyrojë rrjetet sociale t’u japin përparësi lajmeve të besueshme
-
Britanisë i rekomandohet të marrë lidership në Ballkan
-
Britania përballet me kërcënim të paparashikueshëm nga Irani, thotë raporti