Qeveria e Britanisë së Madhe do ta shpallë organizatë terroriste grupin mercenar rus “Wagner”, që do të nënkuptojë se do të jetë e paligjshme të jesh anëtar apo të përkrahësh këtë grup, raporton BBC.
Një draft-urdhër që do të dërgohet në Parlament, do të lejojë që pasuritë e anëtarëve të këtij grupi të shihen si pasuri terroriste dhe të sekuestrohen.
Ministrja e Brendshme e Britanisë së Madhe, Suella Braverman, tha se Wagneri është “i dhunshëm dhe shkatërrues dhe një vegël ushtarake e Rusisë së Vladimir Putinit”.
Ajo ka thënë se puna e Wagnerit në Ukrainë dhe Afrikë ka qenë “kërcënim për sigurinë globale”.
“Vazhdimi i aktivitetit destabilizues të Wagnerit vetëm sa do të vazhdojë t’i shërbejë qëllimeve politike të Kremlinit. Ata janë terroristë”, ka thënë Braverman.
-
Wagneri do të shpallet organizatë terroriste nga Britania
-
Parlamenti francez e shpall Wagnerin “grup terrorist”
-
SHBA-ja e shpall “Wagnerin” organizatë kriminale ndërkombëtare
-
Një vit nga kryengritja e “Wagnerit”, Kremlini kontrollon mercenarët e mbetur
-
“Wagner 2.0”, si po funksionon grupi famëkeq mercenar rus në Afrikë