Kremlini ka thënë se Ukraina duhet të futet në negociatat që çojnë në fundin e luftës tani ose do të përballet me mundësinë e humbjes së më shumë territori.
Zëdhënësi i Kremlinit, Dmitry Peskov, ka thënë se hapësira për vendimmarrje po ngushtohet, teksa ka përmendur se ushtria ruse po vazhdon ofensivën.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Puna efektive e forcave të armatosura ruse duhet ta bindë Zelenskyn: është më mirë të negociohet dhe të bëhet tani sesa më vonë”, ka thënë Peskov.
Ai ka pretenduar se Moska nuk e ka pranuar ende zyrtarisht planin e SHBA-së, raportoi Guardian.
Washingtoni dhe Moska kanë punuar bashkë për draftin dhe ai i ofron kushte më të favorshme Rusisë, teksa i kërkon Ukrainës që të lëshojë territore, të shmangë anëtarësimin në NATO dhe të tjera.
Këtu gjeni planin 28-pikësh:
BE-ja e panjoftuar për planin e Trumpit: Çfarëdo marrëveshje kërkon aprovimin e partnerëve evropianë
Presidenti i Këshillit të Evropës, Antonio Costa, ka pranuar se Bashkimit Evropian nuk i është treguar për planin e SHBA-së.
E, presidentja e Komisionit Evropian, Ursula von der Leyen, ka thënë se do të bisedojnë me liderët evropianë por edhe të shteteve të tjera lidhur me planin 28-pikësh. Ajo ka theksuar se parimi mbetet që “asgjë për Ukrainën nuk bëhet pa Ukrainën”, ndërkohë që ka shtuar se do të flasë me presidentin ukrainas.
Një zëdhënës i kancelarit gjerman, Friederich Merz, ka konfirmuar se Merz, presidenti francez dhe ai i Britanisë kanë biseduar me presidentin ukrainas, Volodymyr Zelensky, raportoi Guardian,
Sipas zëdhënësit, të tre liderët kanë konfirmuar mbështetjen e plotë për Ukrainën, duke përgëzuar përpjekjet e SHBA-së por edhe duke theksur se ata do të vazhdojnë të ndjekin synimin e “ruajtjes së interesave evropiane dhe ukrainase në terma afatgjatë”.
Liderët kanë theksuar se çfarëdo marrëveshje paqeje “që prek shtetet evropiane, Bashkimin Evropian ose NATO-n, kërkon aprovimin e partnerëve evropianë ose një konsensus mes aleatëve”.