Koreja e Jugut dhe Forcat Ajrore të Shteteve të Bashkuara kryen stërvitje ajrore të martën në përgjigje të lëshimit të fundit të raketës balistike me rreze të mesme veprimi nga Koreja e Veriut. Shefi i Shtabit të Përbashkët tha se katër avionë luftarakë F-15K të Koresë së Jugut dhe katër avionë F-16 të SHBA-së morën pjesë në stërvitje.
Në stërvitjet e bombardimeve, një avion luftarak F-15K qëlloi dy bomba precize JDAM (Lexohet si Xhei-Dem) në një objektiv në ishullin e pabanuar Jikdo në Detin Perëndimor.
Në paradën e madhe ushtarake të Koresë së Veriut, në prill të këtij viti, një seri kamionësh me gjashtë boshte për lansues raketash parakaluan nëpër sheshin Kim Il Sung duke mbajtur predha që mund të jenë versioni më i fundit i Hwasong-12.
Artikuj të ngjashëm
-
SHBA-ja, Koreja e Jugut dhe Japonia organizojnë stërvitje të përbashkëta
-
SHBA-ja e Koreja e Jugut reagojnë me stërvitje ajrore, pas testimit raketor veri-korean
-
Koreja Jugore dhe SHBA-ja i vazhdojnë stërvitjet e përbashkëta ajrore
-
Koreja e Veriut lëshon raketa të tjera, SHBA-ja fluturon bombarduesit mbi Korenë e Jugut
-
12 avionë luftarakë të Koresë së Veriut fluturojnë pranë Koresë së Jugut