Koreja e Veriut ka thënë se të gjithë që ishin sëmurë që kur vendi konfirmoi infektimet e para me COVID-19, janë shëruar.
Të premten media shtetërore raportoi për të shtatën ditë radhazi se nuk kishte asnjë rast me ethe. Koreja e Veriut i referohet me “ethe” në vend të “COVID” pacientëve të infektuar për shkak të mungesës së pajisjeve testuese.
Vendi njoftoi shpërthimin e parë me koronavirus në maj dhe që atëherë raportoi infektime dhe të vdekur.
Por, ka dyshime për të dhënat që jep për përhapjen dhe numrin e të vdekurve, raportoi BBC.
Koreja e Veriut ka arritur në një fazë “stabiliteti”, raportoi media shtetërore.
Edhe
Koreja e Veriut dyshon për raste me COVID-19 pasi shpalli “fitoren”
Media raportoi se rreth 4.77 milionë pacientë me ethe dhe temperaturë janë shëruar plotësisht dhe 74 kanë vdekur që nga prilli.
Shumë ekspertë e kanë të vështirë t’i besojnë këto të dhëna.
