Koreja e Veriut ka hakuar emailet personale të një ndihmësi të presidentit të Koresë së Jugut, ka konfirmuar zyra e tij për BBC-në.
Hakerimi ndodhi në prag të vizitës shtetërore të presidentit Yoon Suk Yeol në Britaninë e Madhe nëntorin e kaluar.
Anëtari i stafit u hakerua pasi përdori një llogari personale të emailit për punë zyrtare, ka thënë zyra e presidentit.
Hakerët kishin qasje në orarin e udhëtimit të Yoonit.
Gazeta “Kukmin Ilbo” shtoi se mesazhet e dërguara nga presidenti ishin hakeruar gjithashtu.
Por nuk dihet çfarë informacioni është vjedhur.
Edhe
Hakerët e Koresë së Veriut depërtojnë në prodhuesit e çipave të Koresë së Jugut
Kjo mendohet të jetë hera e parë që Veriu ka hakuar me sukses një anëtar të ekipit të presidentit të Koresë së Jugut.
Në një deklaratë, zyra e presidentit ka theksuar se sistemi i saj i sigurisë nuk ishte hakuar.
