Kombet kanë rënë dakord të mbrojnë një të tretën e planetit për natyrën deri në vitin 2030 në një marrëveshje historike që synon mbrojtjen e biodiversitetit.
Do të ketë gjithashtu objektiva për mbrojtjen e ekosistemeve jetike si pyjet dhe ligatinat dhe të drejtat e popujve indigjenë, shkruan BBC-ja të hënën.
Marrëveshja në samitin COP15 të OKB-së për biodiversitetin në Montreal, Kanada, erdhi herët në mëngjes të hënën.
Samiti ishte zhvendosur nga Kina dhe ishte shtyrë për shkak të COVID-19.
Kina, e cila ishte në krye të takimit, hodhi poshtë marrëveshjen, pavarësisht një kundërshtimi të minutës së fundit nga Republika Demokratike e Kongos.
Edhe Mënyra më e mirë për ta ruajtur natyrën është edhe më e drejtaProgrami i Zhvillimit i OKB-së tha se “marrëveshja historike” nënkuptonte se njerëzit në mbarë botën mund të shpresonin për përparim të vërtetë për të ndaluar humbjen e biodiversitetit.
Pikat kryesore përfshijnë:
-Ruajtja, përmirësimi dhe restaurimi i ekosistemeve, duke përfshirë ndalimin e zhdukjes së specieve dhe ruajtjen e diversitetit gjenetik
-”Përdorimi i qëndrueshëm” i biodiversitetit - në thelb duke siguruar që speciet dhe habitatet mund të ofrojnë shërbimet që ofrojnë për njerëzimin, si ushqimi dhe uji i pastër
-Sigurimi që përfitimet e burimeve nga natyra, si ilaçet që vijnë nga bimët, të ndahen në mënyrë të drejtë dhe të barabartë dhe se të drejtat e popujve indigjenë mbrohen
- Pagesa për dhe vënia e burimeve në biodiversitet: Sigurimi që paratë dhe përpjekjet për ruajtjen e tyre arrijnë atje ku nevojiten.
Samiti në Montreal ishte konsideruar si një “shansi i fundit” për ta vënë natyrën në rrugën e rimëkëmbjes. Gjatë gjithë bisedimeve pati ndarje mbi forcën e ambicies dhe mënyrën e financimit të planeve.
Një pikë e madhe ngecjeje ishte se si të financoheshin përpjekjet e ruajtjes në pjesët e globit që strehojnë disa nga biodiversiteti më i shquar në botë.
Biodiversiteti i referohet të gjitha gjallesave të Tokës dhe mënyrës se si ato janë të lidhura në një rrjet kompleks të jetës që mbështet planetin.
Edhe
Arrihet një marrëveshje për klimën, më shumë para për shtetet e prekura
Një tekst i ri i marrëveshjes u publikua nga Kina të dielën.
Delegatët mblodhën një seancë të plotë të samitit herët në mëngjes të hënën pas disa orësh vonesa, por më pas ranë dakord për tekstin shpejt.
Presidenti i COP 15, Ministri Huang Runqui, e deklaroi marrëveshjen të miratuar pavarësisht kundërshtimeve nga Republika Demokratike e Kongos, e cila tha se nuk mund ta mbështeste marrëveshjen.
Georgina Chandler, këshilltare e lartë e politikës ndërkombëtare për Shoqërinë Mbretërore për Mbrojtjen e Zogjve tha se njerëzit dhe natyra duhet të jenë më mirë falë marrëveshjes së arritur në Montreal.
“Tani është bërë, qeveritë, kompanitë dhe komunitetet duhet të kuptojnë se si do të ndihmojnë që këto angazhime të bëhen realitet”, ka thënë ajo.
Sue Lieberman e Shoqërisë së Ruajtjes së Kafshëve të Egra tha se marrëveshja ishte një kompromis dhe megjithëse kishte disa elementë të mirë dhe të luftuar, ajo mund të kishte shkuar më tej “për të transformuar vërtet marrëdhëniet tona me natyrën dhe për të ndaluar shkatërrimin tonë të ekosistemeve, habitateve dhe specieve”.
Marrëveshja pason disa ditë negociatash intensive. Të shtunën, ministrat mbajtën fjalime plot pasion rreth nevojës për të rënë dakord për qëllime të qarta për ta vënë natyrën në rrugën drejt rimëkëmbjes deri në fund të dekadës.
“Natyra është anija jonë. Ne duhet të sigurojmë që ajo të qëndrojë në det”, tha komisioneri i BE-së për Mjedisin, Oqeanet dhe Peshkimin, Virginijus Sinkevicius.
Edhe
Arrihet marrëveshja për reduktimin e karburanteve në Samitin COP28
Ministrja e mjedisit e Kolumbisë, Susana Muhamed, tërhoqi duartrokitjet kur bëri thirrje për ambicie në mbrojtjen e planetit për të mirën e të gjithëve. “Natyra nuk ka kufij”, tha ajo.
Përktheu: Diona Arifi
