-
Përktheu:
Flutura Gashi-Mehmeti
- 14 tetor 2024 11:00
- Shpërndaje në:
Ushtria e Kinës ka nisur një rund të ri lojërash luftarake pranë Tajvanit të hënën, duke thënë se ishte një paralajmërim për "aktet separatiste të forcave të pavarësisë së Tajvanit”.
Tajvani i qeverisur në mënyrë demokratike, të cilin Kina e sheh si territorin e saj, ka qenë në gatishmëri për më shumë lojëra luftarake, që nga fjalimi i javës së kaluar për ditën kombëtare, i presidentit Lai Ching-te, raporton Reuters.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo
Fjalimi i Lait u dënua nga Pekini zyrtar pasi ai kishte deklaruar se Kina nuk kishte të drejtë të përfaqësonte Tajvanin edhe pse ai ofroi të bashkëpunonte me Pekinin.
Komanda e Teatrit Lindor të Ushtrisë Kineze ka thënë se stërvitjet "Joint Sword-2024B" po zhvilloheshin në ngushticën e Tajvanit dhe zonat në veri, jug dhe lindje të Tajvanit.
VIDEO:
China Central Television has been live-streaming the Chinese People's Liberation Army's "Joint Sword-2024B" drills in the Taiwan Strait, as well as the island's north, south, and east.
The drill brought together the PLA army, navy, air force, and rocket force. Within a few… https://t.co/AnWPkFKQoO pic.twitter.com/68aExIvn1f— Eivor (@Eivor_Koy) October 14, 2024
"Stërvitja shërben gjithashtu si një paralajmërim i ashpër ndaj akteve separatiste të forcave të pavarësisë së Tajvanit. Është një operacion legjitim dhe i domosdoshëm për ruajtjen e sovranitetit të shtetit dhe unitetit kombëtar”, ka thënë komanda në një deklaratë të transmetuar në kinezisht dhe anglisht.
Në një lëvizje paralele të hënën, Pekini sanksionoi një manjat të njohur teknologjik nga Tajvani, Robert Tsao dhe një ligjvënës, për aktivitete separatiste.
Komanda nuk deklaroi se kur do të përfundonin stërvitjet.
Ajo publikoi një hartë që tregonte nëntë zona rreth Tajvanit ku po zhvilloheshin stërvitjet - dy në bregun lindor të ishullit, tre në bregun perëndimor, një në veri dhe tre rreth ishujve të kontrolluar nga Tajvani pranë bregut kinez.